Kryetari i Partisë së Lirisë, Ilir Meta pas arrestimit me urdhër të SPAK ka mbërritur në ambientet e Drejtorisë së Policisë së Tiranës.
Gazetari Igli Çelmeta raporton se mbërritja e tij në Policinë e Tiranës është bërë në mënyrë të fshehtë dhe jashtë syrit të mediave.
Po ashtu mësohet se Ilir Meta brenda ambienteve të Policisë së Tiranës është shfaqur i tensionuar dhe ka debatuar me agjentët e BKH.
Ndaj Ilir Metës SPAK-u ka kryer një hetim pasuror.
Ky hetim besohet se është shkaku i arrestit të sotëm, ndërsa ndaj tij ka edhe çështje të tjera hetimore si çështja CEZ-DIA.
Në mes të qershorit Meta qëndroi për më shumë se tre orë përballë hetuesve në Prokurorinë e Posaçme. Nga deklaratat e tij u mësua se ishte pyetur rreth çështjeve që lidhen me pasurinë e familjes.