Një aeroplan mallrash DHL u rrëzua pranë aeroportit të Vilnius, Lituani. Aksidenti ka ndodhur në orën 05:30: avioni është përplasur me një ndërtesë banimi dykatëshe dhe ka marrë flakë. Sipas policisë lituaneze, njëri nga dy pilotët ka humbur jetën në aksident. Në total në avion ishin 2 pilotë dhe 2 anëtarë të ekuipazhit. Të gjithë u dolën nga avioni. Në pallatin e goditur dhe në flakë nuk ka viktima mes banorëve.
Sipas kryebashkiakut të Vilnius, Valdas Benkunskas, avioni fluturoi nëpër kompleksin e shtëpive dhe u rrëzua në oborr. “12 banorët janë të sigurt dhe janë evakuuar”, shtoi ai.
Aeroporti i Vilnius vazhdon të funksionojë normalisht, megjithëse disa fluturime janë vonuar dhe një aeroplan për në Riga (Letoni) është anuluar.
Avioni i mallrave është rrëzuar për shkak të një defekti teknik ose gabimi njerëzor, megjithëse ende nuk është përjashtuar plotësisht mundësia e një akti terrorist. Kështu ka bërë të ditur kreu i policisë lituaneze, Renatas Pozela.
Avioni u ngrit nga Leipzig (Gjermani) me destinacion Vilnius dhe u rrëzua në Liepkalnis rreth orës 5.30 të mëngjesit. Kështu shkruan Lituania Airports, e cila menaxhon aeroportet e Vilnius, Kaunas dhe Palanga, shkruan në X. “Shërbimet e qytetit – thuhet në postim – janë aktualisht në vend, së bashku me një kamion zjarrfikës dhe një ekip komandues nga aeroporti i Vilnius. Operacionet e aeroportit nuk ka ndërprerjë për momentin.”
Të dhënat e gjurmimit të fluturimeve nga FlightRadar24, të analizuara nga Associated Press, treguan se avioni u rrëzua në veri të aeroportit, duke u rreshtuar për ulje, përpara se të rrëzohej pak më shumë se një milje (1.5 km) nga pista. Autoritetet nuk dhanë menjëherë shkakun e rrëzimit, i cili ndodhi pak para orës 5:30 të mëngjesit me orën lokale. Moti në aeroport ishte me re para agimit dhe erëra rreth 30 km/h (18 mph). DHL Group, me seli në Bon, Gjermani, nuk ka dhënë ende asnjë koment.
Avioni DHL operohej nga Swiftair, një kontraktor me bazë në Madrid. Boeing 737 ishte 31 vjeç, i cili konsiderohet nga ekspertët si një nga avionët më të vjetër, edhe pse jo i pazakontë për fluturimet e ngarkesave.
Policia nuk e ka përjashtuar një goditje terroriste
Policia lituaneze që po heton rrëzimin e avionit nuk ka përjashtuar një lidhje terroriste. “Kjo është një nga hipotezat që duhet hetuar dhe verifikuar. Ka ende shumë punë për të bërë”, tha shefi i policisë Arnas Paulauskas në një konferencë për shtyp, duke saktësuar se hetimet në vendngjarje, grumbullimi i testeve dhe informacioneve. mund të zgjasë një javë të tërë. “Përgjigjet nuk mund të vijnë kaq shpejt tha ai .”
Kreu i shërbimit të shpëtimit të Lituanisë, Renatas Pozela, tha në një konferencë për shtyp se avioni u rrëzua disa kilometra larg aeroportit, duke rrëshqitur për disa qindra metra dhe pjesët e rrënojave të tij goditën një ndërtesë banimi. Avioni kishte një ngarkesë mallrash DHL dhe u ngrit nga Leipzig në Gjermaninë lindore. Shtëpia ishte dy kate, katër apartamente dhe aty banonin tre familje. Të 12 banorët janë të sigurt, tha Pozela. Zjarri në avion është vënë nën kontroll.
Zëdhënësja e shërbimit të shpëtimit lituanez, duke folur për agjencinë lituaneze të lajmeve Elta, tha se avioni u shkatërrua plotësisht nga flakët. Gjashtë makina zjarrfikëse dhe një mjet transporti ujor ndodhen në vend dhe është ngritur një qendër koordinimi e shpëtimit.
Autoritetet kanë hapur një hetim. “Është e parakohshme të lidhet incidenti me ndonjë gjë,” tha për shtyp Darius Jauniskis, kreu i shërbimit sekret lituanez. “Ne po punojmë me partnerët tanë të huaj për të marrë të gjithë informacionin që mundemi,” tha ai. “Ne shohim një Rusi gjithnjë e më agresive, por ende nuk mund ta drejtojmë gishtin tek dikush ”, shtoi Jauniskis.
Në fillim të nëntorit, disa persona u arrestuan në Lituani dhe Poloni në lidhje me pako ndezëse të dërguara me avion në vende të ndryshme evropiane, gjurmët e të cilave, sipas disa kryeqyteteve, mund të çojnë në Rusi.
Sipas Ausra Rutkauskiene, një nga menaxheret e kompanisë në Lituani, avioni mbante “dërgesa nga disa klientë” dhe jo vetëm një. Këtë verë në magazinat e grupit logjistik DHL në Gjermani dhe Britaninë e Madhe janë gjetur pako me mjete ndezëse, të cilat kanë marrë flakë. Në Poloni, një pako i vuri flakën edhe një kamioni DHL, sipas gazetës Gazeta Wyborcza. Në atë kohë, një këshilltar për sigurinë kombëtare i presidentit lituanez ia atribuoi operacionin Rusisë. “Ne duhet të neutralizojmë dhe çmontojmë burimin dhe ne e dimë se kush qëndron pas këtyre operacioneve. Është inteligjenca ushtarake ruse,” tha Kestutis Budrys.
Inteligjenca gjermane gjithashtu kishte drejtuar më parë gishtin drejt Federatës Ruse. Në një seancë dëgjimore të Bundestagut më 14 tetor, kreu i inteligjencës kombëtare të Gjermanisë (BfV) Thomas Haldenwang akuzoi hapur Moskën se qëndron pas “çështjes DHL”, veçanërisht në rastin e një pakete që mori flakë në një qendër DHL të Leipzig (lindje) në korrik.