Një sëmundje misterioze ka marrë të paktën 27 jetë në pak më shumë se një muaj në jugperëndim të Republikës Demokratike të Kongos (DRC). Sipas asaj që thonë autoritetet shëndetësore të vendit të Afrikës Qendrore, një “ngjarje e panjohur e shëndetit publik” e zbuluar që nga 24 tetori “ka shkaktuar tashmë vdekjen e 27 personave nga gjithsej 382 persona të prekur”, thuhet në një raport nga Instituti Kombëtar. e Shëndetësisë Publike.
Rastet u raportuan në rajonin Panzi, rreth 700 km në jug-lindje të kryeqytetit Kinshasa, ku objektet shëndetësore janë të kufizuara. Sëmundja, e cila shkakton ethe, dhimbje koke dhe kollë, deri më tani ka prekur njerëz të të gjitha moshave, përfshirë fëmijët. Sipas autoriteteve lokale, megjithatë, numri i të vdekurve mund të jetë më i lartë: “Shoqëria civile dhe mjeku përgjegjës për zonën shëndetësore Panzi kanë raportuar humbjen e 67 jetëve,” tha ministri provincial i shëndetësisë, Apollinaire Yumba.
Epidemiologët në vendngjarje
Një ekip epidemiologësh është dërguar në zonë, shtoi Yumba, duke ftuar popullatën të mos ket panik dhe të kufizojnë udhëtimin e tyre. “Hyrja dhe dalja nga kjo zonë shëndetësore duhet të kufizohet, (duhet) të shmangim përshëndetjen me njëri-tjetrin duke shtrënguar duart, t’i lajmë duart rregullisht”, kërkoi ai. Organizata Botërore e Shëndetësisë tha se po punonte me autoritetet kongoleze “për të kuptuar situatën” dhe se kishte dërguar një ekip në vend “për të mbledhur mostra për analizë në laborator”. Kongo tashmë është goditur rëndë nga virusi Mpox në muajt e fundit, duke pasur më shumë se 1000 vdekje.
Simptomat dhe masat paraprake
Simptomat thuhet se pothuajse gjithmonë përfshijnë temperaturë të lartë dhe dhimbje koke të forta. Por ka edhe simptoma të tjera të ngjashme me gripin si ftohja dhe kolla, vështirësi në frymëmarrje. Faktorëve të zakonshëm të alarmit i shtohet edhe anemia e rëndë, një rënie jonormale e nivelit të hemoglobinës në gjak. Për momentin zona e prekur ka qenë e rrethuar nga një kordon sanitar, ndaj aksesi është i kufizuar dhe lëvizjet e banorëve janë nën kontroll. Popullatës iu kërkua të mbante maskë mbrojtëse.
Qëndrimi i OBSH-së
Epidemia me sa duket filloi në fund të tetorit. “Situata është jashtëzakonisht alarmante, pasi numri i rasteve vazhdon të rritet,” tha Cephorien Manzanza, një drejtues i shoqërisë civile, për agjencitë ndërkombëtare të lajmeve. “Panzi (zona e prekur nga epidemia) është një zonë rurale, ndaj ka vështirësi në shpërndarjen e ilaçeve” dhe përsëri: “Të sëmurët vdesin në shtëpitë e tyre nga mungesa e kujdesit shëndetësor”
OBSH po monitoron situatën. Një zëdhënës tha se agjencia e OKB-së ishte informuar për sëmundjen dhe po punonte me ministrinë e shëndetit publik të Kongos për të kryer hetime të mëtejshme, sipas një epidemiologu vendas,duket se gratë dhe fëmijët janë goditur më rëndë nga sëmundja. Ndërkohë, publiku është këshilluar që të shmangë prekjen e trupave të të ndjerëve . Gjatë 30 viteve të fundit, më shumë se 30 sëmundje të reja infektive janë raportuar globalisht dhe Afrika përballet me rreth 100 episode serioze të urgjencave shëndetësore çdo vit.
