Gazetari spotiv Ervin Baku ka njoftuar ndarjen nga jeta të nënës së tij.
Baku ka bërë edhe një dedikim prekës për nënën e tij të ndjerë.
Njoftimi:
Me hidhërim dhe dhimbje të madhe njoftoj ndarjen nga jeta të Nënës sime të shtrenjtë Efigjeni Taja Baku!
Përcjellja për në banesën e fundit bëhet nesër, e hënë, 9 Dhjetor, ora 11:00, në Tufinë.
Ceremonia mortore do të zhvillohet ditën e hënë, 9 Dhjetor, ora 08:00 – 11:00, në ambientet e Funeral Home ALBA 2000, Rruga e Dibrës, pranë Medresesë.
Vizitat priten ditën e Martë, të Mërkurë dhe të Enjte, 10-11-12 Dhjetor, ora 10:00 – 13:00 dhe 17:00 – 20:00. Po në ambientet e Funeral Home ALBA 2000.
Dedikimi i Ervin Bakut:
Mama, Ti ishe dielli, drita, dashuria, puna, sakrifica sublime, përkushtimi i shtëpisë ku ne u lindëm dhe u rritëm!
Sa të kem frymë do të jesh me mua, me mirësinë, me bukurinë dhe buzëqeshjen tënde monumentale! Ishe shumë e veçantë Mama! Fantastike!
Do na mungosh shumë! U prehsh në paqe Mama
Edhe stafi i gazetarëve Berati TV i shpreh ngushëllimet kolegut për këtë humbje të madhe .