Një 25-vjeçar ka rënë në prangat e policisë, pasi ishte shpallur në kërkim që prej shtatorit të vitit 2023 për shitje të lëndëve narkotike në lokale të natës në zonën e plazhit në Durrës.
Policia Durrës
Policia njofton se i riu është shpallur në kërkim në muajin shtator të vitit 2023, për veprën penale “Prodhimi dhe shitja e narkotikëve”, pasi dyshohet se shiste lëndë narkotike në zonën e plazhit dhe në lokale nate, në qytetin e Durrësit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
NJOFTIMI
Durrës
Shiste lëndë narkotike në zonën e plazhit dhe në lokale nate, kapet dhe vihet në pranga i kërkuari prej muajit shtator 2023.
Specialistët e Seksionit për Hetimin e Narkotikëve të DVP Durrës, si rezultat i kontrolleve për lokalizimin, kapjen dhe vënien përpara përgjegjësisë penale të shtetasve të shpallur në kërkim, kanë kapur në qytetin e Durrësit dhe kanë arrestuar shtetasin A. K., 25 vjeç, banues në Durrës.
Ky shtetas është shpallur në kërkim në muajin shtator të vitit 2023, për veprën penale “Prodhimi dhe shitja e narkotikëve”, pasi dyshohet se shiste lëndë narkotike në zonën e plazhit dhe në lokale nate, në qytetin e Durrësit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
