Objektivi: Për të arritur paqen : Sipas portalit rus Meduza, gazeta e përditshme ukrainase Strana ka bërë publike një dokument që dyshohet se zbulon një plan sekret 100-ditor që i atribuohet Shteteve të Bashkuara. Ky plan do të synonte zgjidhjen e konfliktit të vazhdueshëm midis Ukrainës dhe Rusisë.
Fillimi i negociatave- Presidenti i SHBA-së, Donald Trump, po konsideron të caktojë një telefonatë me presidentin Vladimir Putin në të ardhmen e afërt, raporton Newsweek. Synimi i Trump do të ishte fillimi i negociatave të drejtpërdrejta me Moskën.
Nga Putini te Zelensky-Hapi tjetër në plan kërkon që presidenti amerikan të takohet me Putinin dhe udhëheqësin ukrainas Zelensky për të diskutuar mundësinë e një armëpushimi.
Tërheqja e Ukrainës nga rajoni i Kurskut- Propozimi i zbuluar pretendon se, në këtë pikë, trupat ukrainase do të tërhiqen nga rajoni Kursk i Rusisë.
Armëpushimi i Pashkëve-Sipas dokumentit Strana, ndalimi i zjarrit pritet të ndodhë rreth datës 20 prill, pikërisht në kohën e Pashkëve, një festë e rëndësishme fetare në krishterimin ortodoks.
Një ndërmjetës i mundshëm?- Nëse do të plotësoheshin të gjitha kriteret e propozuara, mund të organizohej një Konferencë Ndërkombëtare e Paqes. Në këtë kontekst, superfuqitë botërore do të kishin për detyrë të ndërmjetësonin një marrëveshje mes Moskës dhe Kievit. Sipas Meduzas, presidenti turk Rexhep Tajip Erdogan ka gjasa të luajë një rol të rëndësishëm në këtë proces.
Një festë e rëndësishme në Rusi- Propozimi i zbuluar cakton 9 majin si një datë të mundshme për t’i dhënë fund luftës. Zgjedhja nuk është e rastësishme. Është një nga festat më të rëndësishme në ish-Bashkimin Sovjetik dhe në Federatën Ruse aktuale, ku njihet si Dita e Fitores mbi Gjermaninë Naziste në Luftën e Dytë Botërore.
Një festë e diskutueshme në Ukrainë- 9 maji ishte gjithashtu një nga festat më të rëndësishme në Ukrainë. Me pushtimin rus të Krimesë në fillim të viteve 2010 dhe pushtimin e rajonit të Donbass në vitin 2022, ajo humbi popullaritetin dhe u eliminua gradualisht për shkak të lidhjes së saj me militarizmin rus.
Neutraliteti i detyruar i Kievit- Newsweek shkruan se kuadri i paraqitur nga Strana jep parametra edhe për të dyja palët e konfliktit. Kievit do t’i kërkohet të përjashtojë anëtarësimin në NATO dhe të deklarojë neutralitetin e tij.
Rusia i merr territoret- Qeveria ukrainase duhet gjithashtu të njohë sovranitetin e Moskës mbi territoret e pushtuara nga trupat ruse dhe të heqë dorë nga çdo fuqi diplomatike ose ushtarake për t’i zotëruar ato.
Leja për t’u anëtarësuar në BE dhe ndihma- Në këmbim, Ukraina mund të anëtarësohet në Bashkimin Evropian deri në vitin 2030 dhe të marrë nga BE-ja ndihmën e nevojshme për rindërtimin e vendit të pasluftës.
Mund të zbatohen kushtet- Ndërkohë, sanksionet do të hiqen ndaj Rusisë, kushtet dhe koha e të cilave do të vareshin nga kushtet dhe marrëveshjet e Moskës për t’i dhënë fund luftës.
Energjia ruse për rindërtimin e Ukrainës –Më e rëndësishmja, Newsweek thekson se sanksionet ndaj gazit rus dhe burimeve të tjera të energjisë do të hiqen. Megjithatë, tarifat speciale do të aplikohen për të financuar rindërtimin e Ukrainës.
Lajme të rreme? Megjithatë, vërtetësia e rrjedhjes është vënë në pikëpyetje. Meduza raporton se Zyra e Presidentit të Ukrainës e ka hedhur poshtë dokumentin e publikuar nga Strana si të rremë, duke pretenduar se këto janë histori të fabrikuara nga të cilat shpesh përfitonë vetëm Rusia.
Jehona e zërave nga Kremlini? Newsweek citon gjithashtu Spravdi, një organizatë ukrainase që kundërshton dezinformimin, e cila në vitin 2021 etiketoi Strana si një entitet që “komunikon propagandën ruse”.
“Vepro me kujdes” “Ka shumë zhurmë rreth kësaj teme, kështu që është e kuptueshme pse mediat e huaja janë të interesuara,” komentoi në Telegram Andriy Kovalenko, kreu i Qendrës së Ukrainës për Kundër Dezinformimin. “Megjithatë, platformat dhe mediat tona duhet t’ë qasen më me kujdes.”
Përshtati në Shqip V.K.
