Ministri gjerman i Punëve të Jashtme, Heiko Maas ka mbrojtur përfshirjen e vendit të tij në sulmet ajrore në Serbi gjatë konfliktit të Kosovës 20 vite më parë.
Ai është shprehur se veprimet ushtarake mund të jenë vetëm burimi i fundit, por shtoi se “në atë kohë ne patëm evidenca për shkelje masive të të drejtave të njeriut, deri në vrasje masive”.
“Besoj se NATO-ja kishte të drejtë që ndërhyri. Nuk dua ta mendoj se çfarë mund të kishte ndodhur nëse nuk do të kishte pasur ndërhyrje”.
NATO-ja filloi bombardimet më 24 mars 1999 për t’i dhënë fund dhunës së forcave të armatosura serbe kundër shqiptarëve të Kosovës.
