Një aksident rrugor është regjistruar sot në autostradën Lezhë-Fushë Krujë.
Një automjet ka përplasur për vdekje një këmbësor.
Burime bëjnë me dije se 77-vjeçari Rexhep Tamizi ka humbur jetën ne vend si pasojë e goditjes.
Shkak i aksidentit paraprakisht dyshohet shpejtësia e madhe dhe ndërprerja në mënyrë të gabuar të rrugës nga ana e viktimës .
Njoftimi i policisë:
Rreth orës 12:30, në autostradën “Lezhë-Fushë Krujë”, një automjet me drejtues ende të paidentifikuar, ka përplasur këmbësorin, shtetasin R. T., 77 vjeç, i cili si pasojë ka humbur jetën.
Shërbimet e Policisë dhe grupi i posaçëm hetimor, po punojnë në vendngjarje, për të identifikuar drejtuesin e automjetit që ka përplasur shtetasin R. T., si dhe për të sqaruar rrethanat e aksidentit.