Ekspertët e sigurisë ushqimore kanë paralajmëruar të mos mbështetemi në ‘testin e nuhatjes’ për të kontrolluar nëse ushqimi është i sigurt për t’u ngrënë. Mund ta nuhasësh dhe të duket mirë, pavarësisht se është i mbushur me baktere të dëmshme dhe madje potencialisht vdekjeprurëse, sipas një alarmi të ri nga Agjencia e Standardeve të Ushqimit (FSA).
Paralajmërimi vjen pasi një studim zbuloi se rreth tre të katërtat e njerëzve në Mbretërinë e Bashkuar përdorin një test nuhatjeje për të kontrolluar nëse qumështi dhe kosi janë të sigurt për t’u ngrënë, ndërsa dy të tretat bëjnë të njëjtën gjë për peshkun.
“Testi i nuhatjes” nuk është një metodë e përshtatshme për të testuar nëse ushqimi është i sigurt për t’u ngrënë apo për t’u gatuar”, thuhet në alarmin e FSA.
“Kjo për shkak se ushqimi mund të duket dhe të nuhasë mirë edhe pasi të ketë kaluar data e përdorimit, por produkti nuk do të jetë i sigurt për t’u ngrënë dhe mund të shkaktojë helmim, për shkak të baktereve të dëmshme të cilat ne nuk mund t’i shohim apo nuhasim.”
Raporti theksoi gjithashtu gabime të tjera alarmante të higjienës së ushqimit.
-Rreth dy të tretat e të anketuarve në sondazh thanë se do të hanin kos, qumësht ose mish të gatuar që kishin kaluar datat e përdorimit.
-Ndërkohë, gati 40 për qind thanë se do të lanin pulën kur ta përgatisnin.
“Larja e pulës mund të shpërndajë baktere të dëmshme në duart tuaja, sipërfaqet e punës, dhe pajisjet e gatimit”, paralajmëroi FSA.
Disa nga gjetjet më pozitive në raport treguan se 94 për qind e të anketuarve nuk do të hanin kurrë salsiçe kur ato ishin rozë ose kur kishin lëngje rozë.
Shumica e të anketuarve raportuan se ata gjithmonë kontrollojnë datat e përdorimit përpara se të gatuajnë ose përgatisin ushqim.
Gjetjet pasojnë pas një raport tronditës, që detajon shtrirjen alarmante të shpërthimeve të helmimit nga ushqimi në MB gjatë vitit të kaluar.
Kjo përfshinte një valë E.coli vdekjeprurëse të lidhur me sanduiçet e kontaminuar të supermarketeve. Ekspertët paralajmëruan se fajin e kishte marulja, pasi ka të ngjarë të kishte rënë në kontakt me bakteret e dëmshme në ujin e ndotur me feçe të kafshëve të infektuara.
Lloji specifik i E.coli përgjegjës për shpërthimin dihet se shkakton diarre, si dhe një gjendje potencialisht vdekjeprurëse të quajtur sindroma e rëndë hemolitike uremike.
Më të rrezikuarit, nga helmimi me ushqim janë gratë shtatzëna dhe njerëzit me sëmundje themelore, bakteret e bartura nga ushqimi si E.coli, salmonela dhe listeria mund të jenë vdekjeprurëse./Dailymail
