A e kanë llogaritur gabim? Tani që Big Wall Street, është irrituar nga pasojat e dëmshme të tarifave në tregjet globale të aksioneve, po sulmon Trumpin pasi e kishte mbështetur hapur gjatë fushatës zgjedhore, lindin dyshime.
- I pari mes të barabartëve, milioneri Bill Ackman, i cili në një postim në X bëri një kthesë të plotë nga pozicioni i tij pro Maga-s, duke akuzuar presidentin amerikan se ka nisur “një luftë bërthamore ekonomike”.
Konvertimi i papritur në Damask i menaxherëve të mëdhenj të Wall Street-it ka të bëjë me paratë e forta dhe, në të vërtetë, me ato që duket se kanë qenë llogaritje të gabuara. Prova është se 94-vjeçari Warren Buffett, jo rastësisht i njohur botërisht si “orakulli i Omaha-s për aftësinë e tij për të parashikuar investimet financiare”, nuk i ishte përgjigjur këngës së sirenës së Trump dhe tani, në fakt, ai po qesh me të.
Siç theksohet nga buletini i Bloomberg, tabelën e të cilit e shihni më poshtë, mes 6 njerëzve më të pasur në botë, “orakulli” është i vetmi që po përfiton nga stuhia që ka goditur tregjet financiare botërore.
- Siç tregon tabela, Elon Musk, mbështetësi më i madh i Trump-it, aq sa ai ka mbajtur edhe një pozicion si kreu i Departamentit të Efiçencës Qeveritare (DOGE), është gjithashtu ai që po humbet më shumë: mbi 130 miliardë dollarë (pavarësisht se mbetet në krye të renditjes së njeriut më të pasur në botë me një pasuri neto prej 302.2 miliardë dollarësh).
- Pak më poshtë tij, por në një distancë të konsiderueshme, është Jeff Bezos, i cili humbi 45.2 miliardë dollarë. I fundit në podium, Mark Zucherberg. Kryetari dhe CEO i Metës ka humbur deri tani 28.1 miliardë dollarë. Në radhë janë Bernard Arnault me -18.6 miliardë dhe Bill Gates me -3.4 miliardë dollarë.
Në buletin, gazetarja e Bloomberg, Jessica Karl, citon kolegun e saj Chris Bryant:
“Përfshirja e disa miliarderëve në administratën (Trump) ka ngjallur besimin se ai do të bëjë pak për të rrezikuar portofolet e tyre të aksioneve,” shkroi Bryant me hidhërim. “Drejtuesit e korporatave, menaxherët e fondeve mbrojtëse dhe kapitalistët e sipërmarrjes që kanë përqafuar Trumpin tani po përjetojnë diçka si pesë fazat e pikëllimit: mohimi, zemërimi, pazaret, depresioni dhe pranimi”.