Zbardhen emrat e tre personave të arrestuar pas përplasjes pasditën e së martës mes të afërmve të Agron Kapllanajt dhe agjentëve të BKH-së, si edhe forcave operacionale.
Në pranga kanë rënë dy nipërit e Agron Kapllajnat, i cili kandidon për deputet me partinë “Djathas 1912”, si edhe një tjetër.
Të arrestuarit:
Ledjan Kapllanaj – nipi i Agron Kapllanaj
Klaudio Kapllanaj – nipi i Agron Kapllanaj
Gerald Kollçaku
Ngjarja
Ngjarja ndodhi pasditen e djeshme (15 prill) gjatë një operacioni të agjentëve të BKH-së dhe Forcave të Posaçme Operacionale në Qarkun e Fierit.
Raportohet se shërbimet operacionale të Policisë dhe hetuesit e BKH-së janë goditur për shkak të detyrës nga të arrestuarit.
Incidenti ndodhi në aksin rrugor Fier – Patos, rreth orës 19:20 të mbrëmjes.
“Shërbimet e Drejtorisë së Forcës së Posaçme Operacionale në Departamentin e Policisë Kriminale në Policinë e Shtetit, së bashku me hetuesit e BKH-së pasditen e sotme kanë qenë me shërbim në qarkun e Fierit.
Rreth orës 19:20, të mbrëmjes së sotme, në aksin rrugor Fier – Patos, shërbimet operacionale të Policisë dhe hetuesit e BKH-së janë goditur për shkak të detyrës nga disa persona, të cilët janë identifikuar dhe shoqëruar në Drejtorinë Vendore të Policisë Fier për veprimeve të mëtejshme.
Të gjitha veprimet hetimore e procedurale janë duke u kryer nga Prokuroria e Juridiksionit të Përgjithshëm Fier”, njoftoi policia mbrëmjen e së martës (15 Prill).
