Drejtuesi politik i PS-së Elbasan, Arbjan Mazniku ishte sot në News 24 teksa foli për fushartën e 11 majit. Mazniku u pyet nga moderatorja Ola Bruko edhe për kundërshtarët dhe praninë e LaCivita krah Berishës.
Mazniku thotë se programi i PD-së është një mishmash pa vijë ideologjike, teksa duken si premtime boshe të një force politike që e di se kurrë nuk do vijë në pushtet.
Sa i përket LaCivitas, Mazniku thekson se nuk ka magjistar që zëvendëson lidhjen e forcës politike me qytetarin.
Më tej shton se PS ka një plan konkret pune për probleme specifike të njerëzve.
Mazniku: Programi i PD-së është një mishmash pa vijë ideologjike. Një forcë që e di dhe vetë që nuk do vijë në pushtet mund të thotë çdo gjë, se e di që nuk do vijë në pushtet. Kanë bërë një skuadër jo qeverisëse, por opozite. Diferenca është që PS çdo angazhim e merr për ta realizuar. Diferenca se njëra forcë ka premtime elektorale, ata kanë plan pune.
Në Elbasan do marrim më shumë se 9 mandate. Në rang vendi do marrim më shumë se 79 mandate. Në mënyrë të jashtëzakonshme, besoj te lidhje e forcës politike me qytetarin. Nuk ka magjistar që zëvendëson lidhjen e forcës politike me qytetarin. Ne kemi mundësi të bëjmë biseda me secilën problem specifik të njerëzve.
