“Shpata ishte aty në zyrë, por e dorëzova unë”
Kryeministri Edi Rama ka ndryshuar “faqe” në drejtim të Prokurorisë së Posaçme, pas sulmeve të mëparshme.
Gjatë një takimi elektoral në Gjirokastër, Rama foli me nota pozitive për kreun e SPAK, por sipas Kryeministrit, “shpatën” e drejtësisë ia dha Partia Socialiste.
“Kur ne morëm detyrën, nuk kishin respekt dhe besim, por tani i shihni vetë çfarë transformimi kemi bërë. Altin Dumani, njeri kurajoz dhe meriton gjithë respektin. Por ai nuk erdhi nga hëna këto 3-4 vjet, prej vitesh punonte prokuror. Asnjë nuk e dinte që ekzistone, si ka mundësi që ky prokuror i ndershëm nuk ka thirrur një person me pushtet pokitik më parë? Çfarë e ka bërë këtë dallim? Ka ndryshuar komplet Shqipëria, prandaj ai Altini sot merr këdo në pyetje. Ishte Partia Socialiste ajo që i dha shpatën. Shpata ishte aty në zyrë, por e dorëzova unë.”- tha Rama.
