Sondazhi i News24 dhe Notosondaggi i publikuar këtë të hënë në emisionin Log., parashikon një epërsi të socialistëve në Qarkun e Fierit. Nëse nesër do të mbaheshin zgjedhjet parlamentare në Shqipëri, 50.5% e qytetarëve të këtij qarku do të votonin PS-në. E përkthyer në mandate, socialistët do të merrnin nga 8 deri në 9 deputetë.
33% do të votonin PD-në të cilët do të mund të siguronin në Parlament nga 5 deri në 6 mandate. Në garë për 1 mandat deputeti janë edhe koalicioni Nisma-Shqipëria Bëhet me 7% të votave dhe partia Mundësia me 5% të votave.
PSD do të merrte 1.5% të votave, por të pamjaftueshme për t’u futur në formulën e ndarjes së mandateve. Qarku i Fierit ka 16 deputetë.
