Nga djegiet nga dielli te pickimet nga insektet, xheli i aloe verës është një produkt i zakonshëm në çdo kabinet mjekësor. Falë përmbajtjes së lartë të vitaminës E, ai përdoret gjerësisht për qetësimin e lëkurës. Por, a e dini se kjo bimë e fuqishme mund të sjellë përfitime edhe në shëndet? Lëngu i aloe verës rezulton të jetë një mënyrë efektive për të përmirësuar shëndetin tuaj të përgjithshëm.
Para se ta shtoni në listën tuaj të blerjeve, është mirë të dini se ekzistojnë dy lloje kryesore të lëngut të aloe verës: “Zgjidhni gjithmonë lëng që është bërë vetëm nga pjesa e brendshme e gjethes,” këshillon dietologia Mia Syn, nga Charleston, SC. “Ky version përjashton lateksin dhe minimizon rrezikun e efekteve laksative.”
Më poshtë, Mia Syn dhe specialistja e ushqyerjes holistike Jen Silverman, nga Bethesda, MD, ndajnë përfitimet e lëngut të aloe verës – dhe këshillat që duhet të dini para se ta përfshini në rutinën tuaj.
Përfitimet kryesore të lëngut të aloe verës
1.E pasur me vitamina dhe minerale
Aloe vera përmban një sërë vitaminash që veprojnë si antioksidantë – përfshirë vitaminat A, C dhe E – të cilat ndihmojnë në mbrojtjen e trupit nga stresi oksidativ. Gjithashtu, përmban minerale të rëndësishme si: kalcium, krom, bakër, hekur, mangan, kalium dhe zink.
- Lehtëson kapsllëkun
Për shkak të efektit laksativ, lëngu i aloe verës mund të ndihmojë për të përmirësuar lëvizjen e zorrëve.
Megjithatë, nuk duhet përdorur si zgjidhje afatgjate. Përdoreni me kujdes dhe gjithmonë në konsultim me mjekun. Filloni me doza të vogla dhe zgjidhni gjithmonë lëngun nga pjesa e brendshme e gjethes.
- Mbron lëkurën
Sipas Cleveland Clinic, dehidratimi mund të jetë një shkaktar i akneve. Duke ndihmuar në hidratimin nga brenda, lëngu i aloe verës mund të përmirësojë gjendjen e lëkurës dhe ta bëjë atë më të shndritshme.
- Ndihmon në kontrollin e sheqerit në gjak
Një studim i vogël i vitit 2015 zbuloi se përdorimi i ekstraktit të aloe verës tek personat pre-diabetikë ndikoi në uljen e ndjeshme të sheqerit në gjak brenda katër javësh.
Kujdes: Studimi u bë me kapsula, jo me lëng, prandaj nevojiten kërkime të mëtejshme për efektet afatgjata.
- Ka veti anti-inflamatore
Vitaminat C dhe E në aloe vera funksionojnë si antioksidantë që ndihmojnë në reduktimin e inflamacionit.
“Ato luftojnë radikalet e lira që vijnë nga ndotja, duhani apo alkooli,” shpjegon Silverman. “Nëse trupi juaj është dëmtuar nga stresi oksidativ, antioksidantët ndihmojnë në rigjenerim.”
- Përforcon sistemin imunitar
Falë përmbajtjes së vitaminës C, aloe vera ndihmon sistemin imunitar duke mbështetur procesin e shërimit dhe përmirësimin e funksioneve mbrojtëse të trupit.
- Lehtëson urthin dhe refluksin
Një tjetër studim i vitit 2015 tregoi se shurupi i aloe verës ndihmoi në lehtësimin e simptomave të refluksit të acidit (GERD) tek personat me këtë çrregullim.
- Mund të përmirësojë shëndetin kardiovaskular
Një studim i vitit 2024 sugjeroi se personat që pinin lëng aloe vera të pasuruar me acemannan (një përbërës natyral i xhelit të aloe verës), patën ulje të ndjeshme të triglicerideve pas vakteve.
Edhe pse rezultatet janë premtuese, nevojiten studime shtesë për të vërtetuar efektet afatgjata.
Sa lëng aloe vera duhet të pini?
Nëse jeni duke e shtuar për herë të parë në dietën tuaj:
“Filloni me rreth 60 ml në ditë,” këshillon Silverman. “Më pas, vëzhgoni si ndikon tek organizmi juaj.”
Kush duhet ta shmangë lëngun e aloe verës?
- Gratë shtatzëna, pasi mund të nxisë kontraksione të mitrës
- Nënat që ushqejnë me gji, për shkak të efektit laksativ te foshnjat
- Personat me probleme gastrointestinale si sindroma e zorrës së irrituar (IBS) apo sëmundja e Crohn-it, sepse mund të përkeqësojë simptomat. / Shendeti.com.al / Burimi: Prevention.com
