VIDEO/Ushtarët izraelitë qëllojnë mbi delegacionin e BE-së në Jenin

Burime i thanë Al Jazeera-s se forcat izraelite (IDF) hapën zjarr ndaj një delegacioni diplomatik evropian që po vizitonte kampin e Jeninit në Bregun Perëndimor.

Të shtënat kishin në shënjestër 25 ambasadorë dhe diplomatë evropianë dhe arabë. Sipas agjencisë palestineze Wafa, delegacioni ishte vendosur në hyrjen lindore të kampit të Jeninit dhe përfshinte ambasadorët e Egjiptit, Jordanisë, Marokut, Bashkimit Evropian, Portugalisë, Kinës, Austrisë, Brazilit, Bullgarisë, Turqisë, Spanjës, Lituanisë, Polonisë, Rusisë, Japonisë, Rumanisë, Meksikës, Sri Lankës, Kanadasë, Indisë, Kilit, Francës, Mbretërisë së Bashkuar dhe përfaqësues të shumtë të vendeve të tjera.

Sipas agjencisë së lajmeve Wafa, delegacioni diplomatik ishte në Jenin për të kontrolluar kushtet në kamp dhe aty ishte edhe një grup gazetarësh që mbulonin vizitën. Gazeta nuk përmend asnjë viktimë.

Sipas gazetës Times of Israel – e cila citon disa imazhe – trupat izraelite qëlluan në ajër për paralajmërim. Një zëdhënës i IDF-së, raporton Ynet, tha se “bazuar në një hetim fillestar, delegacioni devijoi nga rruga e tij dhe mbërriti në një zonë ku i ishte ndaluar të qëndronte”. Në të njëjtën kohë – vazhdoi ai – “Gjenerali i Brigadës Hisham Ibrahim, urdhëroi oficerët e njësisë të flasin menjëherë me përfaqësuesit e vendeve dhe së shpejti do të zhvillojnë bisedime personale me diplomatët, duke i informuar ata mbi rezultatet e hetimit fillestar të kryer mbi këtë çështje”.

ANP: “Të shtënat ndaj diplomatëve në Jenin shkelin të drejtën ndërkombëtare”

Ministria e Punëve të Jashtme dhe Emigrantëve të Autoritetit Palestinez (PNA) dënoi “sulmin e drejtpërdrejtë nga forcat pushtuese izraelite kundër një delegacioni diplomatik të akredituar në Shtetin e Palestinës, i shoqëruar nga disa gazetarë arabë dhe të huaj, duke i qëlluar ata me municion të vërtetë ndërsa ata po vizitonin kampin në provincën e Jenin për të shqyrtuar kushtet humanitare, krimet dhe shkeljet e kryera nga forcat pushtuese në zonë”. Kjo u raportua nga agjencia palestineze Wafa. “Ky akt agresiv përbën një shkelje flagrante dhe serioze të së drejtës ndërkombëtare dhe rregullave më themelore të marrëdhënieve diplomatike”, tha ministria, “shënjestrimi i përfaqësuesve të shteteve anëtare të akredituara në shtetin e Palestinës përbën një përshkallëzim të rrezikshëm në sjelljen e pushtimit dhe pasqyron një shpërfillje sistematike për të drejtën ndërkombëtare, sovranitetin e shtetit të Palestinës dhe shenjtërinë e përfaqësuesve të shtetit në territorin e tij”.

Ndiq Videon:

Përshtati në Shqip S