Alarm në SHBA: Sipas një studimi të kohëve të fundit të kryer nga Virginia Tech, brigjet e Shteteve të Bashkuara mund të kërcënohen, në dekadat e ardhshme, nga një megatsunami, me valë që mund të arrijnë një lartësi deri në 300 metra.
Zona e Subduksionit Cascadia: Sipas studimit, një megatsunami mund të shkaktohet një tërmet me magnitudë 8.0 ose më i madh në Zonën e Subduksionit Cascadia.
Një vijë gjigante çarjeje: Kjo është një vijë gjigante çarjeje që shtrihet nga Ishulli Vankuver në Kanada deri në Kalifornian Veriore, raportoi Economic Times.
15% mundësi për tërmet: Sipas studimit, të botuar në revistën Proceedings of the National Academy of Sciences, probabiliteti i një tërmeti është 15%. Pasojat do të shtriheshin në shumë qytete të tjera të vendit.
Rajonet në rrezik: Rajonet në rrezik, nëse kjo do të ndodhte, përfshijnë të gjithë Bregun Perëndimor të Shteteve të Bashkuara, veçanërisht shtetet e Oregonit dhe Kalifornisë, raportoi gazeta Marca.
Alaska dhe Hawaii: Edhe pse janë më larg nga çarja, Alaska dhe Hawaii mbeten në rrezik të lartë për shkak të aktivitetit intensiv sizmik dhe vullkanik në ato rajone, sipas The Economic Times.
Pa kohë reagimi: Ky tërmet i mundshëm do të ndodhte brenda disa minutash, duke mos lënë kohë për ndonjë lloj evakuimi apo përmbajtjeje, paralajmëruan shkencëtarët.
Çfarë tha Tina Dura, autore e studimit: “Zgjerimi i fushës së përmbytjes bregdetare pas një tërmeti në zonën e subduksionit Cascadia nuk është matur kurrë më parë dhe ndikimet në përdorimin e tokës mund të zgjasin ndjeshëm kohën e nevojshme për t’u rikuperuar”, tha Tina Dura, autore kryesore e studimit, në një deklaratë, të cituar nga New York Post.
Gjithnjë e më e mundshme: Zona e subduksionit Cascadia nuk ka parë një tërmet të madh për më shumë se 300 vjet, gjë që ekspertët thonë se e bën një ngjarje tjetër të madhe gjithnjë e më të mundshme, raportoi The Economic Times.
Pasoja katastrofike: Studiuesit paralajmërojnë se një katastrofë e kësaj shkalle mund të zgjerojë në mënyrë dramatike zonat bregdetare të cenueshme dhe të ketë ndikime afatgjata në përdorimin e tokës dhe në infrastrukturë.
Përshtati në Shqip S
