I penduari i drejtësisë, Erion Alibej, ka treguar sot në seancën gjyqësore detaje nga vrasja e Klevis Kapllanit, i cili u gjet i vrarë brenda automjetit të tij më 15 shtator 2020 në fshatin Sinaballaj të Rrogozhinës.
Alibej tha se ai ka qenë ndër të parët që është njoftuar për vrasjen e Kapllanit.
Ai tha se Klevis Kapllani punonte si shofer me rrogë mujore, u punësuar nga Nuredin Dumani.
Sipas Alibejt makina që përdorte Kapplani ishte një Audi A6, model i vjetër.
Më tej ai tha se Kapllani u gjet i ekzekutuar nga çunat e Fushë Krujës.
“Çunat e Fushë Krujës nuk i kisha parë asnjë herë. Vetem kur u vra Kapllani, ne e kemi marrë vesh të parët. Klevis Kapllani punonte si shofer me rrogë mujore i Nuredinit, që ai të mos përdorte taksi. Ishte një Audi A6, model i vjetër.
Çunat e Fushë Krujës e kanë gjetur të ekzekutuar. Si fytyra, çunat e Fushë Krujës nuk i kam parë. Në sky kisha kontakte me ta. Biseda të shkurtra. I kam pyetur ndonjëherë për Nuredinin”, tha i penduari i drejtësië në gjyq.
Lexo edhe: “Mbaroi Bujari”- Erion Alibej tregon planin për ekzekutimin e vëllait të Talo Çelës: Çunat e Fushë Krujës sollën një makinë për të kryer punë! Ja oficeri i policisë që kisha kontakte! Në një karburant dërgova 70 mijë euro…
Lexo edhe: U ekzekutua me 14 plumba brenda automjetit të tij, zbardhet pas 4 vitesh vrasja e Klevis Kapllanit! U dyshua se u eliminua nga miku i tij Nuredin Dumani, por çfarë rrëfeu vrasësi me pagesë
