Një 32-vjeçar i shpallur në kërkim që prej muajit mars të këtij viti ka rënë në prangat e policisë së Fierit.
Mësohet se në pranga ka rënë Marteos Pasho, banues në Patos, i dënuar më parë për vrasje dhe armëmbajtje pa leje.
Kujtojmë se më 11 mars 2025 Marteos Pasho, në bashkëpunim me tre persona të tjerë, dhunoi dhe goditi me grushte një punonjës të IEVP Fier.
Në muajin mars 2025, Gjykata e Fierit i caktoi 32-vjeçarit masën e sigurisë “Arrest në burg”, për veprën penale “Goditja për shkak të detyrës”, kryer në bashkëpunim.
“32-vjeçari akuzohet se në bashkëpunim me shtetasit A. M., E. N. dhe E. R., ka goditur me grushte, për shkak të detyrës, një punonjës të IEVP Fier. Punohet për kapjen e 3 shtetasve të shpallur në kërkim”, njoftojnë uniformat blu.
Njoftimi i Policisë Fier
Kapet dhe ndalohet një shtetas i kërkuar për goditje për shkak të detyrës.
I ndaluari, i dënuar më parë për vrasje dhe armëmbajtje pa leje.
Në vijim të kontrolleve të mbështetura te informacionet e siguruara në rrugë operative, me qëllim ndalimin e shtetasve të implikuar në rastin e datës 11.03.2025, kur u godit me grushte, për shkak të detyrës, një punonjës i IEVP Fier, shërbimet e Policisë së Fierit kapën njërin prej autorëve të dyshuar, shtetasin M. P., 32 vjeç, banues në Patos.
Në muajin mars 2025, Gjykata e Fierit i ka caktuar masën e sigurisë “Arrest në burg”, për veprën penale “Goditja për shkak të detyrës”, kryer në bashkëpunim.
32-vjeçari akuzohet se në bashkëpunim me shtetasit A. M., E. N. dhe E. R., ka goditur me grushte, për shkak të detyrës, një punonjës të IEVP Fier. Punohet për kapjen e 3 shtetasve të shpallur në kërkim.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
