Kryeqyteti shqiptar, Tirana, renditet si qyteti më i lirë për turistët, por gjithashtu edhe si një nga më të mbingarkuarit me fluks vizitorësh, sipas një analize të fundit mbi performancën turistike të qyteteve shqiptare për sezonin veror.
Sipas të dhënave, çmimet mesatare të akomodimit në Tiranë janë ndjeshëm më të ulëta krahasuar me qytetet e tjera bregdetare, duke e bërë atë një destinacion tërheqës për turistët me buxhet të kufizuar. Megjithatë, numri i madh i vizitorëve ka çuar në mbingarkesë të infrastrukturës turistike, veçanërisht gjatë fundjavave dhe në periudha festash.
Qytetet bregdetare, si Durrësi, Vlora dhe Saranda, vazhdojnë të tërheqin turistë për shkak të pozicionit dhe ofertës detare, por përballen me çmime më të larta dhe probleme të njëjta me fluksin e madh të vizitorëve.
Ndërkohë, Berati dhe Gjirokastra, dy qytete me trashëgimi kulturore të mbrojtur nga UNESCO, po përjetojnë një rritje graduale të interesit turistik, por me kapacitete akomodimi më të kufizuara.
Raporti i Monitor.al thekson nevojën për menaxhim më të mirë të turizmit urban, rritje të investimeve në infrastrukturë dhe përpjekje për shpërndarje më të barabartë të fluksit turistik në të gjithë territorin./MONITOR
