Mbyllet sot cikli i Maturës Shtetërore.
Pas përfundimit të tre provimeve të mëparshme – në Gjuhë të Huaj, Gjuhë Shqipe dhe Matematikë – sot maturantët do të testohen mbi njohuritë e marra në një lëndë të zgjedhur, në varësi të profilit të ndjekur gjatë shkollës së mesme. Lëndët e përfshira në këtë provim janë të ndara në disa fusha: Shkencat e Natyrës (Kimi, Fizikë, Biologji), Shkencat Shoqërore (Histori, Gjeografi, Qytetari dhe Psikologji, Filozofi, Sociologji), si dhe Ekonomia dhe Artet (Ekonomi, Histori Arti, Histori Muzike, Histori Baleti).
Për të siguruar mbarëvajtjen e procesit, është ndaluar rreptësisht mbajtja e telefonave apo orëve inteligjente gjatë testimit. QSHA ka shpërndarë më herët teste model në të gjitha shkollat, për të ndihmuar maturantët të njihen me formatin dhe kërkesat e provimeve.
Me këtë provim përmbyllet zyrtarisht cikli i Maturës Shtetërore për vitin 2025.