Një video e bërë shumë virale në internet tregon disa makina të cilat e kanë kthyer pistën e Aeroportit të Kukësit në pistë për gara dhe xhirim gomash.
Të rinjtë e Kukësit duket se kanë shfrytëzuar mospunimin e aeroportit të Kukësit, për të shfryrë adrenalinën e tyre.
Makinat shihen teksa shkojnë në fund të pistës, madje në një moment njëri prej shoferëve xhirron gomat deri sa nxjerrin tym.
Më pas drejtuesit e automjeteve kthehen mbrapsht dhe provojnë se cila nga makinat e tyre ec më shpejt.
Me sa duket, pista ka gjetur një funksion, pasi funksioni i parë si pistë për avionët, duket se ka dështuar.