Rreth orës 20:25, në fshatin Arapaj, Roskovec, ka rënë zjarr në një zonë kanali. Falë ndërhyrjes së shpejtë të forcave zjarrfikëse, të cilat morën pjesë me 3 efektivë dhe 1 mjet zjarrfikës, zjarri u izolua dhe u fik plotësisht brenda orës 21:15.
Fatmirësisht nuk pati humbje jete apo të lënduar. Si pasojë e zjarrit, u dogj një sipërfaqe prej rreth 100 metra linearë me kallama dhe ferra. Shkaku i zjarrit mbetet ende i panjohur.
Autoritetet vijojnë monitorimin e zonës për të parandaluar përsëritjen e rasteve të ngjashme.
