Pas më shumë se 2 muaj nga zgjedhjet parlamentare të 11 majit, KQZ do të shpërndajë sot në 12:00 mandatet e qarqeve Fier, Durrës dhe Elbasan duke vulosur përfundimisht rezultatin e zgjedhjeve. Rrëzimi i ankimit të PD edhe në Kolegj Zgjedhor i hapi rrugë KQZ certifikimit të rezultatit në këto 3 qarqe ku opozita pretendonte manipulim të rezultatit edhe përmes fenomenit të trenit bullgar, por as rinumërimi nuk solli asnjë ndryshim.
Në Elbasan PD pësoi humbje të thellë dhe rezultati u nda 10 me 4 për PS. Në Durrës PD ruajti rezultatin 6 me 8 por me një rënie të thellë prej 10% krahasuar me zgjedhjet e 2021.
Edhe Fieri ishte një prej qarqeve ku opozita pësoi disfatë, 12 mandate shkuan për PS dhe vetëm 4 për PD. Ndërkohë, sa i takon kampit socialist pavarësisht se Zegjine Caushi humbi nga rinunërimi, KQZ pritet t’ia japë asaj mandatin e deputetit, pasi kandidatja Maldrita Bardho ka dorëzuar dorëheqjen.
Njoftimi i plotë i KQZ-së dhe rendi i ditës për shpërndarjen e mandateve:
“Komisioneri Shtetëror i Zgjedhjeve zhvillon seancë publike ditën e hënë, datë 28 korrik 2025, ora 12:00 me këtë rend dite:
Çështje për shqyrtim rishtazi:
1. Projektvendim “Për shpërndarjen e mandateve midis subjekteve zgjedhore në zonën zgjedhore Qarku Fier, për zgjedhjet për Kuvend të datës 11 maj 2025”.
2. Projektvendim “Për caktimin e kandidatëve fitues të subjektit zgjedhor “Partia Socialiste e Shqipërisë”, në zonën zgjedhore Qarku Fier, për zgjedhjet për Kuvend të datës 11 maj 2025”.
3. Projektvendim “Për caktimin e kandidatëve fitues të subjektit zgjedhor Koalicioni “Partia Demokratike – Aleanca për Shqipërinë Madhështore”, në zonën zgjedhore Qarku Fier, për zgjedhjet për Kuvend të datës 11 maj 2025”.
4. Projektvendim “Për shpërndarjen e mandateve midis subjekteve zgjedhore në zonën zgjedhore Qarku Elbasan, për zgjedhjet për Kuvend të datës 11 maj 2025”.
5. Projektvendim “Për caktimin e kandidatëve fitues të subjektit zgjedhor “Partia Socialiste e Shqipërisë”, në zonën zgjedhore Qarku Elbasan, për zgjedhjet për Kuvend të datës 11 maj 2025”.
6. Projektvendim “Për caktimin e kandidatëve fitues të subjektit zgjedhor Koalicioni “Partia Demokratike – Aleanca për Shqipërinë Madhështore”, në zonën zgjedhore Qarku Elbasan, për zgjedhjet për Kuvend të datës 11 maj 2025”.
7. Projektvendim “Për shpërndarjen e mandateve midis subjekteve zgjedhore në zonën zgjedhore Qarku Durrës, për zgjedhjet për Kuvend të datës 11 maj 2025”.
8. Projektvendim “Për caktimin e kandidatëve fitues të subjektit zgjedhor “Partia Socialiste e Shqipërisë”, në zonën zgjedhore Qarku Durrës, për zgjedhjet për Kuvend të datës 11 maj 2025”.
9. Projektvendim “Për caktimin e kandidatëve fitues të subjektit zgjedhor Koalicioni “Partia Demokratike – Aleanca për Shqipërinë Madhështore”, në zonën zgjedhore Qarku Durrës, për zgjedhjet për Kuvend të datës 11 maj 2025”.
