Dua të sqaroj se deri sot, më datë 29 korrik 2025, në orën 08:30, nuk kam marrë asnjë ftesë zyrtare dhe asnjë shkresë nga SPAK. Vetëm në këtë orar, një gardian i IEVP “Jordian Misja” më informoi verbalisht se në orën 09:50 më kërkonin pranë SPAK, pa dhënë asnjë sqarim apo dokument zyrtar.
Menjëherë u lidha me avokatin tim, z. Kujtim Cakrani, i cili ndodhej jashtë territorit të Shqipërisë në atë moment dhe e kishte të pamundur të paraqitej në SPAK në orën e përcaktuar në mënyrë jozyrtare nga një gardian.
Duke qenë se prania e avokatit është e domosdoshme nga pikëpamja procedurale dhe kushtetuese, do të paraqitemi në SPAK menjëherë sapo avokati im të jetë i pranishëm në territorin shqiptar dhe në gjendje të ndjekë procedurat përkatëse.
Mezi pres përballjen gjyqësore pas 6 vitesh hetimesh
Pas 6 vitesh hetimesh, që nga dhjetori i vitit 2019, pres me padurim nisjen e procesit gjyqësor për të çmontuar këtë farsë të mirëfilltë, e urdhëruar nga tribuna politike e Asamblesë së Partisë Socialiste.
Jam i vendosur që i gjithë opinioni publik, vendas dhe ndërkombëtar, të njohë vetëm një të vërtetë:
-
ZERO fakte penale!
-
ZERO prova penale!
-
ZERO akte apo vendime të paligjshme!
-
ZERO dëm financiar ndaj buxhetit të shtetit!
-
ZERO përfitime në kundërshtim me ligjin!
-
ZERO pasuri të paligjshme!
E vërteta nuk vonon, por gjithmonë del në dritë shkruan Ilir Meta në FB e tij.
