Nëse doni t’i ofendoni italianët, thyejeni spagetin para se ta vendosni në ujë të nxehtë, porositni një kapuçino pas mesditës ose – publikoni një recetë italiane që nuk përputhet me kanunin e tyre gastronomik.
Një akt i tillë blasfemues u guxua nga revista britanike Good Food, e cila publikoi versionin e saj të recetës për Cacio e Pepe, një pjatë e preferuar romake që kombinon makarona, djathë dhe piper.
Mëkati britanik erdhi me gjalpin në recetë midis përbërësve – dhe këshillën e pafalshme për të shtuar krem gatimi. Kur lexuan recetën, gjaku i italianëve u vloi dhe zemërimi ishte aq i madh sa shoqata që përfaqësonte restorantet në Itali kontaktoi ambasadën britanike në Romë.
Presidenti i shoqatës, Claudio Pica, vuri në dukje se receta origjinale për Cacio e Pepe përjashton parmixhano dhe gjalpë, dhe theksoi se nuk ka katër përbërës, por tre: makarona, piper dhe pecorino.
Debati gastronomik është mbuluar gjerësisht në median italiane, dhe italianët janë të indinjuar nga cenimi i traditave të tyre kulinare. /tesheshi.com/