Sri Lanka ka rishikuar numrin e të vdekurve nga vala e bombardimeve të së dielës, dhe shifra ka rënë për më shumë se 100, thotë ministria e shëndetësisë.
Autoriteti në fjalë tha se gabimet në llogaritje dhe vështirësitë e identifikimit të viktimave bënë që të publikohen shifra të pasakta.
Nga 350 sa mendohej fillimisht, 253 persona humbën jetën dhe qindra u plagosën kur kamikazët goditën hotele dhe kisha në Colombo, Negombo dhe Batticaloa.
Shumica e atyre që pësuan ishin qytetarë të Sri Lankës, por dhjetëra të huaj ishin gjithashtu në mesin e viktimave.
Nëntë persona dyshohen për kryerjen e sulmeve. Policia ka vazhduar bastisjet dhe ka publikuar fotografi të shtatë personave të kërkuar.