Skip to content

Vlorë/ Ishte shpallur në kërkim për tentativë vrasjeje, arrestohet 35-vjeçari

Drejtoria Vendore e Policisë Vlorë ka lokalizuar dhe arrestuar shtetasin E. Ç., 35 vjeç, banues në Orikum.

Ky shtetas ishte shpallur në kërkim kombëtar, pasi Gjykata e Shkallës së Parë e Juridiksionit të Përgjithshëm Vlorë, me vendimin e datës 03.03.2025, i kishte caktuar masën e sigurisë “Arrest në burg” për veprën penale “Vrasja me dashje”, mbetur në tentativë.

Njoftimi:

 

DVP Vlorë/Goditje të njëpasnjëshme ndaj paligjshmërive në qark, vijojnë kontrollet intensive për kapjen e personave në kërkim.

 

Kapet dhe vihet në pranga një 35-vjeçar i shpallur në kërkim për tentativë për vrasje.

Strukturat e Sektorit për Hetimin e Krimeve të Rënda, në bashkëpunim me Seksionin Operacional të DVP Vlorë, në vijim të punës për lokalizimin dhe kapjen e shtetasve të shpallur në kërkim kombëtar dhe ndërkombëtar, bazuar në informacionet e siguruara, bënë të mundur lokalizimin, kapjen dhe vënien në pranga të shtetasit:

E. Ç., 35 vjeç, banues në Orikum.

Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Vlorë, me vendimin e datës 03.03.2025, i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.