Një fushatë globale është në kulmin e saj, ndërsa dhjetëra anije përgatiten të nisen nga portet në Spanjë dhe Tunizi, me destinacion Gazën, në një përpjekje për të sfiduar bllokadën detare të Izraelit prej dekadash.
Ndër pjesëmarrësit më të profilit të lartë është aktorja fituese e çmimit Oscar, Susan Sarandon, e cila do të shoqërohet nga aktivistja suedeze e klimës Greta Thunberg.
Aktivistët janë planifikuar të nisen nga Spanja më 31 gusht me dhjetëra anije. Më 4 shtator, një grup shtesë anijesh do të niset nga Tunizia për t’u bashkuar me aksionin. Sipas organizatorëve, misioni do të përfshijë pjesëmarrje nga 44 vende dhe do të jetë “akti më i madh i solidaritetit” që nga vendosja e bllokadës së Gazës në vitin 2007.
Autoritetet izraelite nuk kanë lëshuar një koment zyrtar për këtë veprim, megjithëse misione të ngjashme në të kaluarën kanë hasur rezistencë të ashpër dhe shpesh kanë dështuar të arrijnë në brigjet e Gazës. Nga ana e tyre, organizatorët sigurojnë se misioni i tyre është paqësor dhe humanitar, që synon mbrojtjen e të drejtave të njeriut. /tesheshi.com/
