Susila Karki, një ish-kryetare e Gjykatës Supreme dhe aktiviste e vendosur kundër korrupsionit, u shpall si kryeministre e përkohshme e Nepalit, vendit himalajan që u zhyt në katastrofë këtë javë pas rënies së qeverisë.
Ndërkohë, presidenti i Nepalit Ramchandra Pandey shpërndau Parlamentin dhe thirri zgjedhje parlamentare më 5 mars 2026, me propozim të kryeministrit të ri.
Karki, emërimi i të cilit u njoftua nga Sunil Bahadur Thapa, një këshilltar i presidentit, ishte zgjedhja e studentëve protestues, mobilizimet masive të të cilëve të hënën e kaluar shkaktuan një seri ngjarjesh “shpërthyese”. Demonstratat kundër korrupsionit qeveritar dhe ndalimit të mediave sociale rezultuan në viktima kur forcat e sigurisë hapën zjarr ndaj studentëve të “Gjeneratës Z”.
Meet Sushila Karki, once Nepal’s Chief Justice, now the unanimous pick of the country’s Gen Z to become prime minister thanks to her strong anti-corruption stance and respect for the rule of law! pic.twitter.com/2tgeoabpGU
— The Kenyan Vigilante (@KenyanSays) September 12, 2025
Kryeministri dha dorëheqjen, duke marrë përgjegjësinë për vdekjet, dhe ndalimi i mediave sociale u hoq. Megjithatë, të martën, turma të zemëruara sulmuan vendin, duke djegur dhe plaçkitur mijëra ndërtesa. Pothuajse çdo zyrë e madhe qeveritare u dëmtua. Më shumë se 50 persona u vranë në kaos, sipas policisë nepaleze. “Të paktën 51 persona u vranë dhe më shumë se 1,300 u plagosën në incidentet e dhunshme që ndodhën të hënën dhe të martën, më 8 dhe 9 shtator”, tha ajo.
Karki i tha një kanali indian lajmesh këtë javë se e pranoi pozicionin sepse “këta djem dhe vajza të rinj më lutën, më kërkuan”. Ajo njihet për luftën e saj kundër elementëve të korruptuar.
Shumë nepalezë, veçanërisht ata në lëvizjen e Gjeneratës Z, janë të zemëruar për korrupsionin dhe po ngrihen kundër një “elite” të vogël që po grumbullon pasuri të madhe.
Me perspektiva të kufizuara karriere në vend, të rinjtë e arsimuar të Nepalit janë larguar nga vendi – një “ikje truri” që ka përkeqësuar ekonominë e vendit. Çdo ditë, disa mijëra punëtorë nepalezë largohen nga atdheu i tyre për punë fizike jashtë vendit.
Kjo bëri që gjatë trazirave, disa qeveritarë të poshtëroheshin edhe publikisht, duke u zhveshur e rrahur nga turmat.
Pamjet u bënë virale dhe mes shqiptarësh në rrjete sociale u shpërndanë furishëm nën dëshirën që kjo të ndodhte dhe në Shqipëri. /tesheshi.com/