Në veriperëndim të Spanjës, në zonat e njohura si España Vacía (Spanja e zbrazët), vendbanimet rurale po pakësohen me shpejtësi për shkak të shpopullimit.
Ky fenomen filloi në mesin e shekullit të 20-të, dhe midis viteve 2014 dhe 2023, Spanja rurale humbi 4.4 përqind të popullsisë së saj, ndërsa popullsia totale u rrit me 2.6 përqind. Me më pak njerëz për të mirëmbajtur natyrën, zonat rurale po bëhen më të ndjeshme
Qeveria dhe sektori privat po ofrojnë zgjidhje, të tilla si krijimi i një ministrie për “Spanjën e zbrazët” dhe iniciativa të tilla si shitja e fshatrave të braktisura. Një shembull është agjencia Aldeas Abandonadas, e cila po sheh një rritje të interesit për t’u kthyer në fshat, me spanjollë të rinj dhe të huaj që kërkojnë një jetë të qetë ose një alternativë më të lirë ndaj gjurulldisë e kostove të larta të qytetit. Një çift holandez bleu një fshat pranë Burgos për 350,000 euro në vitin 2023, me plane për të krijuar një eko-fshat.
Në fshatin Villalibado, i cili është rigjallëruar në një destinacion turistik, shtëpitë janë rinovuar dhe turizmi ka ringjallur qytetet përreth si Villadiego, i cili tani po tërheq banorë të rinj. Në mënyrë të ngjashme, programi HolaPueblo po ndihmon familjet të vendosen në fshatra të shpopulluara, duke krijuar aktivitete të reja ekonomike.
Ndërsa ka zhvillime pozitive, ekspertët paralajmërojnë se këto projekte nuk do të zgjidhin problemet demografike strukturore. Qeveria ka investuar miliarda në luftën kundër shpopullimit, por efektet afatgjata mbeten të pasigurta. /tesheshi.com/
