Tre fëmijë të sëmurë, të moshave 3, 7 dhe 10 vjeç, janë dërguar nga familjarët, rreth orës 18:15, pasditen e sotme, në pediatrinë e spitalit të Korçës për të marrë ndihmë mjekësore.
Sipas autorieteve policore, prindërit e të miturve kanë deklaruar se fëmijët dyshohet se kanë konsumuar disa karamele, të cilat i kanë gjetur në rrugë, pranë një koshi mbeturinash.
Policia thotë se grupi hetimor po punon për zbardhjen e rrethanave të ngjarjes.