E Ngarkuarën e SHBA me Punë në ambasadën amerikane në Tiranë, Nancy VarnHorn ka zhvilluar ditën e sotme një takim me kreun e SPAK, Altin Dumani në ambientet e Prokurorisë së Posaçme.
Lajmi është bërë i ditur nga vetë ambasada amerikane në Tiranë, e cila në një postim në rrjetet sociale thotë se gjatë takimit është diskutuar edhe mbi takimet e fundit të Dumanit në Uashington me zyrtarë të Administratës Trump në Departamentin e Shtetit dhe në Departamentin e Drejtësisë.
Postimi i Ambasadës së SHBA-së:
“E Ngarkuara me Punë Nancy VanHorn dhe Kryeprokurori i Posaçëm i SPAK, Altin Dumani, u takuan sot për të diskutuar punën e guximshme të SPAK dhe BKH në bashkëpunim me agjencitë amerikane të zbatimit të ligjit për të luftuar krimin e organizuar, terrorizmin dhe trafikun e drogës.
Ata diskutuan gjithashtu edhe mbi takimet e fundit të Z. Dumani në Uashington me zyrtarë të Administratës Trump në Departamentin e Shtetit dhe në Departamentin e Drejtësisë.
Shtetet e Bashkuara janë krenare që bashkëpunojnë me SPAK në përparësitë tona të përbashkëta për të goditur organizatat e rrezikshme kriminale ndërkombëtare që kërcënojnë sigurinë e Shteteve të Bashkuara dhe të Shqipërisë.”