Bisedat për një Luftë të Tretë Botërore të mundshme nuk kanë qenë kurrë më të zhurmshme, veçanërisht pas pushtimit rus të Ukrainës në vitin 2022. Nëse një skenar i tillë do të ndodhte ndonjëherë, është e rëndësishme të dini se cilat vende dhe qytete duhet të shmangni.
Sipas analizës nga chatbot-i i inteligjencës artificiale ChatGPT, Shtetet e Bashkuara do të ishin një nga objektivat kryesorë, duke pasur parasysh se është një fuqi ushtarake kryesore dhe anëtare e NATO-s. Qytetet më të rrezikuara në SHBA përfshijnë Uashingtonin, Nju Jorkun, Los Anxhelosin, Çikagon, Hjustonin dhe San Franciskon.
Ekspertët nga faqja e internetit Mira Safety deklarojnë se, në rast të një sulmi bërthamor, qytetet më të mëdha dhe bazat kryesore ushtarake do të ishin objektivat kryesore.
Lista e vendeve më të rrezikshme përfshin edhe Rusinë, e cila konsiderohet si një nxitëse e mundshme e konfliktit. Qytete të tilla si Moska dhe Shën Petersburgu janë shënuar si më të ekspozuarit.
Kina gjithashtu kryeson listën për shkak të fuqisë së saj globale dhe përfshirjes së mundshme në konflikte, veçanërisht në lidhje me Tajvanin.
Ukraina është e katërta në listë, ndërsa Gjermania, Britania e Madhe, Franca dhe Polonia ndajnë vendin e pestë. Dhjetë rajonet më të rrezikshme përfshijnë gjithashtu Lindjen e Mesme, Tajvanin dhe Korenë e Veriut.
Nga ana tjetër, vendet që konsiderohen më të sigurtat në rast të Luftës së Tretë Botërore janë Zvicra, Islanda dhe Argjentina.
Ekspertët paralajmërojnë se në rast të një konflikti midis fuqive të mëdha, armët bërthamore dhe objektivat strategjikë do të luanin një rol kyç, dhe bota do të përballej me pasoja të tilla që nuk i ka përjetuar kurrë më parë, shkruan Unilad. /tesheshi.com/
