Reshjet e shiut të rëna gjatë gjithë natës dhe orët e para të ditës së sotme kanë krijuar probleme në aksin rrugor nacional Burrel-Skuraj.
Në segmentin e Shkopetit pati shembje të një masivi shkëmbor i cili bllokoi njërin kah të lëvizjes së automjeteve nga Burreli në drejtim të Milotit.
Megjithatë nuk u pengua lëvizja e automjete ndërsa firma mirëmbajtëse ka ndërhyrë duke bërë të mundur largimin e gurëve dhe qarkullimin e automjeteve normalisht.
Segmenti i Shkopetit në rrugën nacionale Burrel – Skuraj vazhdimisht është problematik nga reshjet.