Gati 250,000 njerëz pa energji elektrike – Intensiteti i erës e bën Melissën stuhinë e dytë më të fortë në historinë e Atlantikut, pas Uraganit Allen në vitin 1980 .
Uragani Melissa vazhdon të forcohet ndërsa i afrohet Xhamajkës, me erëra të qëndrueshme që arrijnë 300 kilometra në orë në qendër të saj, sipas Qendrës Kombëtare të Uraganeve të SHBA-së.
Intensiteti i erërave e bën Melissën stuhinë e dytë më të fuqishme në historinë e Atlantikut, pas Uraganit Allen në vitin 1980, i cili arriti 305 kilometra në orë. Autoritetet po i paralajmërojnë banorët që të kërkojnë menjëherë strehim të sigurt dhe të ngrenë sa më shumë barriera të jetë e mundur midis tyre dhe hapësirës së jashtme. “Ky është shansi juaj i fundit për të mbrojtur jetën tuaj”, thuhet në deklaratën e Qendrës.
Evan Thompson, drejtor i Shërbimit të Motit të Xhamajkës, thotë se uragani do të shkaktojë “dëme kërcënuese për jetën” pas impaktit. “Ka shumë pak gjëra që mund të ndalojnë një uragan të Kategorisë 5”, thotë ai, duke shtuar se stuhia është afërsisht 75 kilometra (46 milje) larg nga dalja në tokë. Ai shtoi se uragani ka të ngjarë të arrijë në tokë në Westmoreland ose St. Elizabeth, në bregdetin perëndimor të Xhamajkës, përpara se të dobësohet gradualisht në një stuhi të Kategorisë 4 ndërsa kalon ishullin.
Pamje të drejtpërdrejta:
