Ish-presidenti francez Nicolas Sarkozy u lirua të hënën pasdite (11/10) me kusht që t’i nënshtrohet mbikëqyrjes gjyqësore.
Media franceze raporton se Nicolas Sarkozy është liruar nga burgu dhe po kthehet në shtëpi.
Prokurori kishte parashikuar tashmë qëllimet e autoriteteve gjyqësore, të cilat kishin propozuar lirim me kusht.
Rreziqet e bashkëpunimit me bashkëpunëtorë të mundshëm ose presioni ndaj dëshmitarëve “mbështesin kërkesën për ta vendosur Sarkozy-n nën mbikëqyrje gjyqësore”, tha prokurori Damien Brinet, ndërsa kërkoi gjithashtu që kërkesa e ish-presidentit për lirim të miratohet.
Vetë ish-presidenti deklaroi, gjatë shqyrtimit të kërkesës së tij, se koha e tij në burg ka qënë “shumë e vështirë”, “dobësuese” dhe “një makth”.
Deklarata nga avokatët e ish-presidentit
Avokati i Sarkozy-t, Jean-Michel Darois, i cili ishte pranë tij në dhomën e videokonferencës së burgut, kishte deklaruar më parë: “Izolimi ka qenë shumë i vështirë për të”.
Ai shtoi: “Ai është një njeri i fortë, i fuqishëm dhe i guximshëm, dhe ky paraburgim i ka shkaktuar vuajtje të mëdha”.
Një tjetër avokat i Sarkozisë, Christophe Ingrain, i cili ishte i pranishëm në gjykatë dhe e vizitonte atë çdo ditë, tha se Sarkozi do të ishte më i sigurt jashtë burgut sesa brenda.
“Ai mori kërcënime me vdekje, dëgjoi britma natën dhe iu desh të ndërhynte në një qeli fqinje kur një i burgosur u vetëlëndua”, tha ai.
Ish-presidenti francez ishte mbajtur në burgun La Santé për 20 ditë pasi u dënua për financimin libian të fushatës së tij zgjedhore presidenciale të vitit 2007 gjatë një seance dëgjimore para Gjykatës së Apelit të Parisit.
Sarkozi u mbajt në izolim për sigurinë e tij, në një qeli të vetme me përmasa afërsisht nëntë metra katrorë, të pajisur me një dush dhe tualet privat. Dy truproja zinin një qeli ngjitur për të siguruar sigurinë e tij.
E përjavshmja franceze Le Point raportoi se ai kishte ngrënë vetëm kos në burg, nga frika se mos e pështynin. Atij i ishte ofruar mundësia të gatuante vetë, por kishte refuzuar, raportoi revista, duke cituar burime anonime.