Siria dënoi të mërkurën vizitën në terren që kryeministri izraelit Benjamin Netanyahu bëri në zonën tampon në jug të vendit, raportoi Anadolu.
Në një deklaratë, Ministria e Jashtme dënoi ashpër “vizitën e paligjshme” nga Netanyahu dhe zyrtarët pushtues izraelitë, duke e quajtur atë një “shkelje të rëndë të sovranitetit dhe integritetit territorial të Sirisë”.
“Kjo vizitë përfaqëson një përpjekje të re për të imponuar një fakt të kryer që bie ndesh me rezolutat përkatëse të Këshillit të Sigurimit të OKB-së dhe është pjesë e politikave të pushtimit që kërkojnë të konsolidojnë agresionin dhe të vazhdojnë shkeljet e territorit sirian”, shtoi ministria.
Kryeministri izraelit Benjamin Netanyahu bëri të mërkurën një vizitë në terren në zonën tampon në Siri të pushtuar nga ushtria izraelite, raportuan mediat lokale.
#BREAKING: Syria’s foreign ministry condemns as “illegal” the visit of Israeli PM Benjamin Netanyahu, along with his foreign and defense ministers, to the buffer zone in southern Syria, calling it “a grave violation of Syria’s sovereignty.”
📹: IsraeliPM/X pic.twitter.com/bj4fgbhWTg
— Rudaw English (@RudawEnglish) November 19, 2025
Televizioni Channel 12 raportoi se Netanyahu shoqërohej nga Ministri i Mbrojtjes Israel Katz, Shefi i Shtabit Eyal Zamir dhe Ministri i Jashtëm Gideon Saar.
Vizita erdhi disa orë pasi seanca e planifikuar e Netanyahu-t në gjyqin e tij për korrupsion u anulua me kërkesë të tij, duke përmendur “shqetësime sigurie”. /tesheshi.com/
