Ish-prokurori Ervin Karanxha, i ftuar në emisionin “Log.” në News24, komentoi vendimin e GJKKO-së për pezullimin nga detyra të zëvendëskryeministres Belinda Balluku, duke vlerësuar masat e sigurisë të vendosura nga gjykata.
Karanxha u shpreh se në rastin e Ballukut zbatimi i masave aktuale të sigurisë ishte i domosdoshëm.
Karanxha ngriti gjithashtu shqetësime lidhur me çështjen e tunelit të Llogarasë, një nga dosjet e hetuara nga SPAK.
“Te rasti i tunelit ka një problem të madh. Është bërë një luftë për të marrë tenderin e supervizimit. Jo vetëm që shpenzohen para të shtetit, por objektet dalin me cilësi të dobët. Tuneli është i pakolauduar dhe sipas inxhinierit grek, nuk ka daljet e zjarrit,” theksoi ai.