Tirana zyrtare po i jep “ dorën e fundit” përgatitjeve për samitin e Brdo-Brijunit. Bisedimet konkrete ne kuadër te kësaj nisme do te mbahen paraditen e te enjtes.Bulevardi kryesor i kryeqytetit është mbushur me simbolika lidhur me samitin dhe vendet pjesëmarrëse, ndërsa policia e shtetit ka hartuar një plan masash për sigurinë. Ne kohen e mbërritjes se krerëve te shteteve lëvizja vetëvendosje proteston kundër presidentit serb Aleksandër Vuçiç dhe kreut të serbëve të Bosnjës, Milorad Dodik.
Sipas burimeve avioni i Vuçiç mbërrin në aeroportin e Rinasit rreth orës 20:00 të së mërkurës dhe uniformat blu kanë parashikuar shoqërimin e tij dhe të gjithë liderëve të tjerë të Ballkanit Perëndimor, nën masa të rrepta sigurie ku do të ketë bllokim të përkohshëm të disa akseve rrugore.
Edhe garda e republikës është angazhuar me plan masash për të siguruar mjediset ku do të mbahet samiti i cili organizohet me ftesë të presidentit Ilir Meta. Krahas liderëve të Ballkanit Perëndimor në Tiranë do të jetë e pranishme të enjten, edhe shefja e politikës së jashtme të Bashkimit Europian, Federika Mogerini e cila ndodhet ne Tirane.
Për lëvizjen vetëvendosje në Tiranë Vuçiç dhe Dodik janë persona ‘non grata’, ndërsa në samit të pranishëm do të jenë edhe presidentja e Republikës së Kroacisë, Kolinda Grabar- Kitarovic dhe Presidenti i Republikës së Sllovenisë, Borut Pahor.