Kupa e Italisë zhvilloi të mërkurën tre nga ndeshjet e radhës për fazën e 1/8 të Kupës së Italisë.
Interi, Napoli dhe Atalanta i janë bashkuar Juventusit në çerekfinalet e Kupës së Italisë. Rrugëtimi për Interin dhe Atalantën ka qenë i qetë, ndërsa Napoli vuajti.
Në ‘Meazza’ të Milanos, Interi fitoi 5-1 kundër Venezias dhe pret në çerekfinalet e Kupës së Italisë fituesin e çiftit Roma – Torino. Zikaltërit e Chivu shënuan me Diouf, Esposito, Bonny dhe dopietën e Thuram. Miqtë shkurtuan përkohësisht me Sagrado.
Në ‘Maradona’ Napoli vuajti kundër Cagliarit, por në fund siguroi një biletë për në fazën çerekfinale të Kupës së Italisë. Koha e rregullt u mbyll 1-1. Lucca shënoi për vendasit, ndërsa sardët barazuan me Seba Esposito. Nga 11 metra më të saktë u treguan djemtë e Contes që shënuan nëntë herë, kundrejt tetë të Cagliarit. David Nerres gaboi për napoletanët, ndërsa Felici dhe Luvumbo për miqtë. Napoli në fazën e radhës do përballet me fituesin e Fiorentina – Como.
Sot luhen dy ndeshjet e radhës për 1/8 e Kupës së Italisë. Bologna – Parma dhe Lazio – Milan.
Kupa e Italisë, faza 1/8-ave:
E mërkurë, 03 dhjetor 2025
Atalanta 4-0 Genoa
Napoli 1-1 Cagliari (9-8 pas penalltive)
Inter 5-1 Venezia
Çiftet e fazës çerekfinale:
Juventus – Atalanta
Inter vs fituesi i Roma – Torino
fituesi i Fiorentina – Como vs Napoli
Bologna – Parma vs Lazio – Milan