Sulmuesi i Kombëtares, Ernest Muçi, po kalon një moment të jashtëzakonshëm forme dhe këtë e konfirmoi sërish në sfidën ndaj Goztepe-s, ku realizoi dopietë në transfertë duke i dhënë fitoren ekipit të tij.
Muçi zhbllokoi takimin në minutën e 46’, pasi përfitoi nga një aksion personal dhe dërgoi topin në rrjetë pa i lënë asnjë shans portierit vendas.
Në minutën e 76’, talenti shqiptar goditi sërish, duke dyfishuar rezultatin për Trabzonspor.
Ky është një tjetër paraqitje mbresëlënëse për sulmuesin kuqezi, i cili është rikthyer fuqishëm. Ai ka shënuar në tre ndeshje radhazi, duke arritur në total pesë gola në këto përballje.
Forma e tij po kthehet në një lajm të shkëlqyer si për klubin, ndërsa i dërgon sinjale të njëpasnjëshme Sylvinhos se është gati të rikthehet në Kombëtare.