Një aksident automobilistik ka ndodhur pak minuta më parë në aksin e vjetër Fier–Ballsh, pranë fshatit Plyk. Dy automjete janë përplasur me njëra-tjetrën, duke shkaktuar plagosjen e dy personave.
Të lënduarit janë transportuar me urgjencë drejt Spitalit Rajonal të Fierit, ku po marrin trajtim mjekësor dhe ndodhen jashtë rrezikut për jetën.
Në vendngjarje kanë mbërritur forcat e policisë dhe grupi hetimor, të cilët po punojnë për të sqaruar rrethanat dhe shkaqet e aksidentit.
