Gjatë komunikimit me mediat në hyrje të selisë blu, kryetari I PD Sali Berisha tregoi edhe agjendën e aksionit Opozitar në ditët në vazhdim.
“Nëse në protestat e para 11 majit ne u ngritëm për të shpëtuar Partinë Demokratike, për të shpëtuar pluralizmin politik, tani jemi në këmbë për të shpëtuar demokracinë, familjen. Ky është mision edhe më i rëndësishëm se ai që përmbushëm në ’90-ën, që do të përcaktojë fatin e Shqipërisë, familjes shqiptare!”, kështu deklaroi kryetari i PD-së, Sali Berisha, nga selia blu.
“Të betohemi ta vazhdojmë këtë betejë gjer në fitore! Ne jemi të pamposhtur, kemi para një kalbësirë, një kufomë politike, një Rilindje kufomë politike, që ne do t’i groposim”, u tha ai qytetarëve.
Si do të vijë aksioni?
“Do ju informojmë për çdo hap, por nuk ndalemi gjer në largimin e Edi Ramës!”, u përgjigj ai, duke theksuar tre godina si “shënjestër” të opozitës: Kryeministria, Parlamenti dhe Surreli.
LEXO EDHE: “Prek votën ti bastard?!”/ Berisha – Ramës: S’të ndahemi as në Surrel!