Një banesë në fshatin Sanxhak të Laçit është përfshirë nga flakët gjatë orëve të para të mëngjesit të sotëm.
Ngjarja ka ndodhur rreth orës 02:00, në shtëpinë që e 64-vjeçarit me iniciale M. L.
Sipas hetimeve të para nga policia, dyshohet se zjarri nuk ka qenë i qëllimshëm. Shkaku kryesor mendohet të ketë qenë pakujdesia gjatë gatimit me një bombol gazi, e cila ka shkaktuar përhapjen e flakëve në banesë.
Fatmirësisht, nga raportimet e deritanishme nuk njoftohet për të lënduar, por vetëm për dëme materiale.
Grupi hetimor ndodhet në vendngjarje dhe po punon për të konfirmuar plotësisht shkakun e zjarrit.