Ministritë e Jashtme ruse dhe kineze kanë shprehur protestën e tyre të fortë ndaj Shteteve të Bashkuara për sekuestrimin e cisternave të naftës, duke deklaruar se e para po rrit “tensionet ushtarake dhe politike” dhe e dyta se sekuestrimi i anijeve të huaja shkel ligjin ndërkombëtar.
Në mënyrë specifike, Ministria e Jashtme ruse akuzoi sot Shtetet e Bashkuara për nxitje të “tensioneve ushtarake dhe politike” pas sekuestrimit të një cisterne nafte me destinacion Moskën në Atlantikun e Veriut, si pjesë e bllokadës së Uashingtonit ndaj eksporteve të naftës bruto të Venezuelës.
“Fakti që Uashingtoni synon të provokojë kriza serioze ndërkombëtare është për të ardhur keq dhe shqetësues”, tha Ministria e Jashtme Ruse në një deklaratë, duke denoncuar veprimet “e rrezikshme dhe të papërgjegjshme” të Shteteve të Bashkuara dhe bashkëpunimit të Britanisë në sekuestrimin e cisternës së naftës.
Kina: Një shkelje flagrante e së drejtës ndërkombëtare
Nga ana e saj, Ministria e Jashtme kineze deklaroi sot se veprimi i Shteteve të Bashkuara për të sekuestruar anije të huaja në ujërat ndërkombëtare shkel seriozisht të drejtën ndërkombëtare.
“Kina ka kundërshtuar vazhdimisht sanksionet e paligjshme unilaterale, të cilat nuk kanë bazë në të drejtën ndërkombëtare dhe nuk janë miratuar nga Këshilli i Sigurimit i OKB-së”, tha zëdhënësja e ministrisë Mao Ning në një konferencë për shtyp.
Dje, Shtetet e Bashkuara sekuestruan dy cisterna nafte që shkonin për në Venezuelë në Oqeanin Atlantik, njëra prej të cilave valëviste flamurin rus/CNN