Real Madrid u është kthyer fitoreve bindëse në Champions League.
Skuadra e Arbeloas ka triumfuar me shifrat 6-1 përballë Monacos.
https://www.youtube.com/watch?v=FSqZay-THPg
Protagonisti i mbrëmjes ishte Mbappe me dy gola, por sidomos Vinicius Jr.
Braziliani dha dy asiste, bëri që miqtë të shkaktonin autogol e pastaj shënoi edhe vetë në mënyrë spektakolare, duke bërë që “Santiago Bernabeu” të çohej në këmbë dhe të duartrokiste paraqitjen e tij.
Ndërkohë në “San Siro” Inter u mposht nga Arsenal në shifrat 1-3.
Dopeta e Gabriel Jesus dhe goli i Gyokeres, i siguroi 3 pikë të arta skuadrës së Mikel Artetës, ndërkohë që golin e vetëm për zikaltrit e shënoi Suçiç në minutën e 18-të.
https://www.youtube.com/watch?v=bG5sa4Tv6Uk
Fitorja ndaj Interit zgjat serinë e pamposhtur të Arsenalit në 12 ndeshje në të gjitha kompeticionet (10 fitore, 2 barazime), ndërsa me këtë rezultat ata kanë siguruar matematikisht një vend në dyshen e parë të fazës së ligës në Champions League.