Rreziku i përhapjes vdekjeprurëse Virusi Nipah përtej Indisë është i ulët, tha sot Organizata Botërore e Shëndetësisë, duke shtuar se nuk rekomandon kufizime në udhëtim ose tregti pasi dy infeksione u regjistruan nga ky vend i Azisë Jugore.
Mediat shkruajnë se Hong Kongu, Malajzia, Singapori, Tajlanda dhe Vietnami janë ndër vendet aziatike që këtë javë shtrënguan kontrollet në aeroporte për t’u mbrojtur nga përhapja e mundshme e virusit pasi India konfirmoi dy infeksione.
“OKB konsideron se rreziku i përhapjes së mëtejshme të infeksioneve nga këto dy raste është i ulët”, tha organizata, duke shtuar se India kishte kapacitetin për të frenuar shpërthime të tilla.
Virusi, i cili bartet kryesisht nga lakuriqët e natës, mund të shkaktojë ethe dhe inflamacion në tru. Ka një shkallë vdekshmërie që varion nga 40% në 75% dhe nuk është gjetur kurë, mgjithëse vaksinat që po zhvillohen janë në fazën e testimit.
Virusi transmetohet te njerëzit nga lakuriqët e natës ose frutat e infektuar që ata infektojnë, por transmetimi nga njeriu te njeriu nuk është i lehtë, pasi zakonisht kërkon kontakt të zgjatur me personat e infektuar. Shpërthimet e vogla nuk janë të rralla dhe virologët thonë se rreziku për popullatën e përgjithshme mbetet i ulët.
Burimi i infeksionit nuk është kuptuar ende plotësisht, thekson OBSH. Ai e konsideron Nipën prioritet sepse nuk ka vaksina apo trajtime të licencuara, por ka një shkallë të lartë vdekshmërie dhe ka frikë se mund të transmetohet më lehtë.
