Një aeroplan i vogël është rrëzuar në Mançester dhe shërbimet e emergjencës po i përgjigjen vendit të ngjarjes.
Sipas BBC-së, rrëzimi ndodhi pranë autostradës M62 në Littleborough, Rochdale.
Vlerësohet se dy persona ishin në bordin e aeroplanit.
“Ne jemi aktualisht në vendngjarje për të përcaktuar rrethanat e plota të incidentit dhe për të identifikuar çdo viktimë,” tha Policia e Mançesterit të Madh.
“Incidenti po shqyrtohet ndërsa shërbimet e emergjencës kryejnë hetimet e tyre dhe publikut i këshillohet të shmangë zonën ndërsa këto hetime po kryhen.”
Sipas faqes së internetit të monitorimit të trafikut ajror Flight Radar, aeroplani ishte një Cirrus SR-20 i vogël që u ngrit nga Birmingham pak para se të humbiste lartësinë përfundimisht/CNN
