Kryeministri Edi Rama, i cili vijon vizitën zyrtare në Vatikan, ka zhvilluar homazhe pranë varrit të Papa Françeskut.
I shoqëruar nga bashkëshortja dhe djali Zaho, kreu i qeverisë, përmes një video-postimi në rrjetet sociale, e cilëson Papën e ndjerë si një mik të paharruar të Shqipërisë.
“Homazhi në varrin e Papa Françeskut, mik i paharruar i Shqipërisë dhe i familjes sonë, që nuk harronte kurrë të lutej për popullin tonë e të na dërgonte mesazhet e tij të miqësisë, ishte një çast i veçantë i vizitës në Selinë e Shenjtë”, shkruan Rama.
